Қазақстан мен Пәкістан көлік дәліздерін кеңейтуді талқылауда
Фото: Rail-news.kz
Астанада Қазақстанның Көлік министрі Марат Қарабаев пен Пәкістанның Қазақстандағы елшісі Науман Башир Бхатти кездесті, – деп хабарлайды Taspanews.kz Көлік министрлігіне сілтеме жасап.
Тараптар көлік-логистика саласындағы ынтымақтастықты нығайту, теміржол және автокөлік қатынасын дамыту, сондай-ақ жүк тасымалы көлемін ұлғайту мәселелерін талқылады.
Сауда-экономикалық ынтымақтастық жөніндегі Үкіметаралық комиссияның (ҮАК) кезекті отырысын өткізуге дайындық мәселесі көтерілді.
Қазақстандық тарап іс-шараны екі жаққа да қолайлы мерзімде өткізуді қолдайтынын білдіріп, отырыс күн тәртібін одан әрі талқылауға дайын екенін мәлімдеді.
Кездесу барысында көлік дәліздерін кеңейту мен транзиттік маршруттарды жақсарту ерекше назарға алынды.
