Қазақстан ресми түрде БРИКС-ке қосылады
2025 жылдың басынан бастап Қазақстан Республикасы ресми түрде БРИКС серіктес-мемлекеті мәртебесін алады, деп хабарлайды Taspanews.kz ТАСС-қа сілтеме жасап.
Бұл туралы ақпаратты Ресей президентінің көмекшісі Юрий Ушаков мәлімдеді. Ол Қазанда өтетін алдағы саммиттің басты нәтижелерінің бірі БРИКС серіктес мемлекеттерінің жаңа санатын құру екенін атап өтті.
«Олардың қатарына Беларусь, Боливия, Куба, Индонезия, Малайзия, Таиланд, Уганда және Өзбекстанмен бірге Қазақстанда кірді. Бұл елдердің барлығы шақыруды қабылдап, бірлестіктің қызметіне қатысуға дайын екендіктерін білдірді. Бұл мемлекеттерге ресми шақырулар жіберілді және олардың көпшілігі келісімдерін растады», – деп Ушаков өз мәлімдемесінде атап өтті.
Оның айтуынша, жаңа мәртебе БРИКС-тің әртүрлі іс-шараларына, соның ішінде жеке саммит кездесулеріне, сыртқы істер министрлерінің кездесулеріне, қауіпсіздік мәселелері бойынша кездесулерге және басқа да маңызды шараларға қатысуға мүмкіндік береді. Қазақстан үшін бұл әріптестік кең перспективалар ашады. Жаңа мәртебе республикаға жаһандық экономиканың, қауіпсіздік пен тұрақты дамудың негізгі мәселелерін талқылауға қатысуға мүмкіндік береді. Ол сондай-ақ жетекші мемлекеттермен - бірлестік мүшелерімен: Бразилия, Ресей, Үндістан, Қытай және Оңтүстік Африка Республикасымен екіжақты және көпжақты байланыстарды нығайтады.
Сонымен қатар, ұқсас шақыруларды алған тағы төрт мемлекет алдағы апталарда жауап береді.
