Қазақстан су тасқынының рекордтық мөлшерін жинады
2024 жылы Қазақстан су тасқынының бұрын-соңды болмаған 12 млрд текше метрден астам мөлшерін сақтады. Бұл өткен жылы жиналған көлемнен екі есе көп,– деп хабарлайды Taspanews.kz Су ресурстары және ирригация министрлігіне сілтеме жасап.
Жиналған судың көп бөлігі — 9 млрд текше метрден астамы Балқаш пен Каспий теңізіне жөнелтілді. Ағымдағы жылы Каспийдегі су деңгейінің 119 см-ге көтерілуі тіркелді. Бұл құбылыс Жайық өзенінен келетін тасқын судың әсерлі көлемінің арқасында мүмкін болды.
Тасқын суды тиімді пайдалану және бөлу Қазақстанның түрлі өңірлеріндегі сумен жабдықтау жағдайын едәуір жақсартты. Астана су қоймасы шекті көлемге жетіп, елорданы жыл бойы ауыз сумен үздіксіз қамтамасыз етеді, бұл бюджетті шамамен 2 миллиард теңгеге үнемдеуге мүмкіндік береді.
