Қазақстанда 3 республикалық маңызы бар жолдарға шектеу қойылды
Фото: Pexels
2025 жылы 27 наурыз күні, сағат 08:00-ден бастап еріген қар суларынан туған қолайсыздық салдарынан республикалық маңызы бар 3 автожолдағы көлік қозғалысына шектеу қойылды, – деп хабарлайды Taspanews.kz «ҚазАвтоЖол» ҰҚ АҚ сілтеме жасап.
Көлік қозғалысы уақытша шектелген жерлер:
Ақтөбе облысындағы «Қандыағаш - Ембі - Шалқар - Ырғыз» автожолының 3-9 шақырымының аралығы (Қандыағаш қаласы – Ембі қаласы);
Қостанай облысындағы Қазақстан мен Ресей Федерациясы арасындағы бейтарап территориядағы Мариновка ауылына жақын аймақ (Ресей шекарасы);
Солтүстік Қазақстан облысындағы «Петропавл қаласының айналма жолы» автожолының 4-7 шақырымы аралығы (Қожаберген жырау айналма жолынан Есіл өзені арқылы өтетін көпір).
Жолдарды күтіп ұстауға 65 маман жұмылдырылды.
