Қазақстанда бруцеллезге қарсы бірегей вакциналар өндірісі іске қосылады

Қазақстанда Ғылым қорының қолдауымен «Антиген» ғылыми-өндірістік жауапкершілігі шектеулі серіктестігі GMP халықаралық стандарттарына сәйкес ветеринарлық вакциналарды өнеркәсіптік көлемде өндіру жобасын жүзеге асыруда, – деп хабарлайды Taspanews.kz ҚР Ғылым және жоғары білім министрлігіне сілтеме жасап.

«BRUVAC r» және «BRUCON r» бірегей ветеринарлық вакциналары ветеринарлық мақсатта қолданылатын болады.

«BRUVAC r» — қой мен ешкілердің бруцеллезіне қарсы тірі құрғақ вакцина (Brucella melitensis Rev-1 штаммы), BRUCON r — ірі қара малдың бруцеллезіне қарсы тірі құрғақ вакцина (Brucella abortus-19 штаммы). Екі вакцина да конъюнктивалды қолдануға арналған, бұл оларды дала жағдайында тиімді әрі ыңғайлы етеді», – делінген ресми хабарламада.

Бұл вакцина GMP циклімен шығарылып жатқан алғашқы сапалы препарат саналады.

Бүгінгі күні оны сату сомасы 33,509 372 теңгені құрады.