Қазақстанда гипермасштабталатын дерек өңдейтін ірі орталық құрылады
Ақмола және Қарағанды облыстарында жалпы қуаты 200 МВт болатын деректерді өңдейтін 2 орталық салу және пайдалану үшін 690 млрд теңге инвестициялар тарту көзделген, – деп хабарлайды Taspanews.kz Үкімет баспасөз хабарламасына сілтеме жасап.
Қазақстанда гипермасштабталатын деректерді өңдеу орталықтарын салу бойынша сингапурлық инвесторлар GK Hyperscale Ltd-дің қатысуымен стратегиялық маңызды жоба іске қосылады. Бұл туралы құжатқа ҚР Премьер-министрі Олжас Бектенов Инвестормен келісім туралы тиісті қаулыға қол қойды.
Құрылыстың бірінші кезегі 2027 жылға жоспарланған. Деректерді өңдеу орталығы 2030 жылы іске қосылады.
"Үкімет атынан Цифрлық даму министрлігі жобаны жүзеге асыруға, оның мемлекеттік цифрлық экожүйеге интеграциялануын қамтамасыз етуге, сондай-ақ «бұлтты» технологиялар мен жоғары өнімді есептеулерді (HPC) дамыту үшін нормативтік жағдай қалыптастыруға белсенді түрде қатысады. Мұндай орталықтарды құру Қазақстанға Microsoft, Google және Amazon сияқты халықаралық технология алпауыттарын, сондай-ақ үлкен деректермен және машиналық оқытумен жұмыс істейтін компанияларды тартуға мүмкіндік береді",
Деректерді өңдеу орталығы технологиялық тәуелсіздікті қамтамасыз ету және IT қызметтерді экспорттауда маңызды рөл атқаратын болады.
