Қазақстандағы бірыңғай уақыттан ғалымдар ешқандай кемшілік таппады
Қазақстанның UTC+5 бірыңғай сағаттық белдеуіне көшкеніне бір жыл өтті. Билік органдары осы сұрақ бойынша зерттеу нәтижелерін жариялады, – деп хабарлайды Taspanews.kz.
Қоғамда бұл сұрақ бойынша дау-дамай жалғасып жатқанымен, ғалымдар бірыңғай уақыттың жағымсыз салдарын анықтаған жоқ.
«Дәрігерлерден астрофизиктерге дейін мамандар тобы құрылды. 40-тан астам негізгі көрсеткіштер зерттелді: адамдардың денсаулығы, жол-көлік оқиғаларының саны, энергия тұтыну, еңбек тиімділігі, қызметкерлердің тәртібі, тіпті мектеп оқушыларының үлгерімі осының ішіне кірді»,
- деді ҚР Сауда министрі Арман Шаққалиев 11 наурыздағы Үкімет отырысында.
Оның айтуынша, зерттеу жаңа уақыт белдеуіне көшу азаматтардың денсаулығының нашарлауына немесе экономиканың бұзылуына әкелмегенін көрсетті.
«Деректерді талдау халық өмірінің негізгі көрсеткіштеріне уақыт белдеуінің өзгеруінің кері әсерін анықтаған жоқ. Сонымен қатар, бірқатар өңір басшылары жұмыс пен жеке өмір арасындағы тепе-теңдікті жақсартуға септігін тигізетін жаңа жұмыс кестесіне көшуді қолдады»,
– деді Денсаулық сақтау министрлігі өкілі.
«Мониторинг реформаның қауіпсіздігін растады», – деп қосты Премьер-Министр Олжас Бектенов.
Ендігі кезекте вице-премьер Ермек Көшербаев бұл мәселені мәжілісте талқылаумен айналысады.
Еске салсақ, бұрынырақ қазақстандықтар Үкіметтің бұл шешімімен келіспейтінін білдірген. 2024 жылдың жазында 50 мың адам петицияға қол қойған. Тіпті бір азамат реформаны сот арқылы даулауға тырысты, алайда жеңіліп қалды. Үкімет уақытты қайтаруды жоспарламаған.
Дегенмен, кейбір өңірлерде өмірдің жаңа ырғағына бейімделу үшін мектептердің, балабақшалардың және медициналық мекемелердің жұмыс уақытын қайта қаралды.
