Қазақстандағы микроқаржы ұйымдары қаза тапқан адамға несие ресімдеген
2025 жылы 24 ақпан күні ҚР Бас прокуроры төрағалығымен өткен заңдылықты, құқықтық тәртіпті және қылмысқа қарсы күресті қамтамасыз ету бойынша үйлестіру кеңесінде интернет-алаяқтық мәселелері қаралды, – деп хабарлайды Taspanews.kz ҚР Бас прокуратурасына сілтеме жасап.
Келесі жағдаяттар келтірілді. Ақтөбе облысында "Кредит 365 Казахстан" және "Автокредит" микроқаржылық ұйымдары биометрияны қолданбай, 2023-жылы қайтыс болған адамға микронесиелер рәсімдеген.
Сол сияқты, Батыс Қазақстан облысында екінші деңгейлі банк қызметкерлері елге ешқашан келмеген Украина азаматына шот ашқан. Осы шотқа жәбірленушілер 1 миллион теңгеге жуық қаражат аударғаны белгілі болды.
Осылайша, үйлестіру кеңесі отырысында кибералаяқтық, банк қызметкерлері мен байланыс операторлары тарапынан заң бұзушылықтар сөз етілді.
"Ұлттық Банктің жанында алаяқтық транзакцияларды бұғаттауға арналған Антифрод-орталығы іске қосылды. Ол жұмыс атқарған жарты жыл ішінде күдікті операциялар бойынша 1,5 млрд тенге бұғатталды. 2024 жылы 800 талап арыз бойынша «дропперлерден» 1 млрд тенге өндіріп алынды. Прокуратура жалған қоңырауларды дереу бұғаттау мақсатында киберполициямен, «Қазақтелеком» АҚ-мен және өзге байланыс операторларымен бірлесіп тиісті меморандум жасады",
