Қазақстандағы пойыздарда интернет іске қосылуы мүмкін
2025 жылдың 25 қаңтарынан бастап Қазақстанда спутниктік технологияларды пайдалана отырып, пойыздарда интернетке қолжетімділікті қамтамасыз ету бойынша пилоттық жоба орындалады, – деп хабарлайды Taspanews.kz ҚТЖ-ға сілтеме жасап.
Жаңа қызмет жолаушылар ағыны көп және саяхатшылар арасында танымал № 3/4 «Астана-Алматы» бағыты бойынша қолжетімді болады.
«Жоба аясында жолаушылар спутниктік технология арқылы интернетке қосыла алады, бұл бүкіл сапар бойы WhatsApp, YouTube және басқа да бейнехостинг сайттарына кіруге мүмкіндік береді. Дегенмен, торренттерге және ағындық сайттарға кіру шектелетінін атап өткен жөн. Жабдықты Қазақстандағы OneWeb ресми серіктесі болып есептелетін Jusan Mobile ұялы байланыс операторы орнатып, жабдық бойынша қызмет көрсетеді»,
Жобада интернет қызметтерінен басқа қызмет көрсету сапасын және пойыз бригадаларының тиімділігін арттыру үшін басқа да инновациялық технологияларды енгізу қарастырылған. Инновациялардың қатарында жолсеріктер үшін билеттерді тезірек тексеруге арналған мобильді терминалдар бар, асханадағы қолма-қол ақшасыз есеп айырысуға арналған POS-терминалдар орнатылған, сондай-ақ пойыз басшыларына арналған кеудеге орнатылған бейнетіркегіштер қауіпсіздік пен жұмыстың ашықтығын арттыру үшін қолданылады.
Сонымен қатар, вагондардағы жағдайды бақылау үшін бейнебақылау жүйелері орнатылады.
