Қазақстандық сәбіз импорттың көптігінен бекер шіруде
Қазақстандық сәбіз бекер шіріп, импорттық өнім артуда Қазақстандық фермерлер шығынға ұшырауда: қоймаларда жүздеген тонна сәбіз өтпей, шіри бастады, – деп хабарлайды Taspanews.kz Astanatv.kz сілтеме жасап.
Павлодар облысындағы қоймалар жергілікті сәбізге толы, алайда оған сұраныс жоқ. Қазақстандық шаруалар алаңдаулы – нарық арзан импорттық өнімдерге қанық, ал олардың өнімі өтпей қалуда. Егер шұғыл шаралар қабылданбаса, фермерлер миллиондаған, тіпті миллиардтаған теңге шығынға батуы мүмкін.
50 жылдан астам уақыт бойы көкөніс өсірумен айналысқан тәжірибелі фермер Никита Запара бұл жағдайға қатты алаңдаулы. Бұрын ол күніне 70 тоннаға дейін сәбіз сатса, соңғы екі аптада бар болғаны 35 тонна ғана өткізген.
“Жағдай өте ауыр. Бұрын біздің жүк көліктеріміз күн сайын сәбіз тасымалдайтын, ал қазір сатып алушылар ресейлік өнімді таңдайды. Олар Волгоградтан сатып алады, ал біз тауарымызды сата алмай отырмыз”,
Қоймада 280 тонна сәбіз жиналып қалған, оның бір бөлігі бұзыла бастады. Көктемгі егіс жұмыстарына 7 миллион теңге жұмсалған, алайда қазіргі жағдайда салынған қаражаттың өзін қайтару екіталай.
“Черноярский” өндірістік кооперативінің төрағасы Николай Надыровтың айтуынша, Қазақстан нарығында шетелдік сәбіздің мөлшері тым көп.
Ал Павлодар облысының ауыл шаруашылығы басқармасы нарықтағы жағдайдың өткен жылдармен салыстырғанда өзгермегенін және ресми деректер бойынша Ресейден жаппай импорт келмегенін алға тартады. Дегенмен, фермерлер бұл мәселеге билік араласпаса, агроөнеркәсіптік сектор үлкен шығынға ұшырайтынына сенімді.
Шенеуніктер өнімді сатуға қолдау көрсететінін уәде еткенімен, бұл шаралардың қаншалықты тиімді болатыны белгісіз.
