Қазақстандық спортшы грек-рим күресінен Азия Чемпионатында күміс жүлде иеленді
Фото: Olympic.kz
Қазақстандық спортшы Әлімхан Сыздықов Иорданияның астанасы Амманда өткен Азия чемпионатында күміс медаль иеленді, – деп хабарлайды Taspanews.kz Olympic.kz сілтеме жасап.
Спортшы 130 келі салмақта күресті. Соңғы тартыс ирандық Фардин Хедаятимен жүріп, 0:7 есебімен аяқталды.
Чемпионаттың соңғы нәтижелері бойынша, Қазақстандық спортшылар 3 медаль иеленді. Үшінші орын Ибрагим Магомадов (77 келіге дейін) пен Шамиль Ожаевқа (87 келіге дейін) тиесілі.
