Қазақстандықтар бір айда 900 игі іс жасады
Қазақстандықтар қайырымдылық және еріктілер мәдениетінің өсуі мен эволюциясына бағытталған игі істер марафонына белсенді қатысуда, – деп хабарлайды Taspanews.kz Мәдениет және ақпарат министрлігінің Telegram-арнасына сілтеме жасап.
Өткен айда qazvolunteer.kz сайты арқылы 826 игі іс тіркелді, олардың әрқайсысы әлеуметтік желілерде жарияланды. Астанада еріктілер 2 тоннадан астам қоқыс пен пластикті кәдеге жаратты, ал Қостанай облысында "Жақсылық жаса" акциясы барысында көп балалы отбасыларға көмек көрсетілді. Аз қамтылған және көп балалы отбасылар мен жетімдердің қатарынан шыққан азаматтардың мектеп оқушыларына көмек көрсетуге бағытталған "Мектепке жол" науқаны басталды.
Марафонға барлығы 10 мыңға жуық адам қатысты. Марафон 1 желтоқсанға дейін жалғасады, содан кейін "ең мейірімді аймақ", "ең мейірімді ұжым" және өзгелерін қоса алғанда, он номинация бойынша марапаттар салтанатты түрде тапсырылады.
