Қазақстанға іздеуде жүрген Ақтаудың бұрынғы әкім орынбасары жеткізілді
Фото: ҚР ҚМА
Мемлекетаралық іздеуде жүрген бұрынғы әкім орынбасары Тимур Садвақасов елге жеткізілді, – деп хабарлайды Taspanews.kz ҚР ҚМА сілтеме жасап.
Ол аса ірі алаяқтық жасап, пара беруге итермелегені үшін күдікті болған соң соттан жасырынған. Мемлекеттік шекараны заңсыз кесіп өтіп, Өзбекстан Республикасы Шекара қызметі тарапымен ұсталды.
Осылайша, шекараны заңсыз кесіп өту туралы қылмыстық іс қозғалған. 2025 жылы 25 ақпан күні Түркістан облысындағы «Қапланбек» шекара бақылау-өткізу пунктінде ол Қазақстан Республикасы Қаржы мониторингі агенттігіне тапсырылды. Одан соң, Шымкент қаласындағы тергеу изоляторына қамалды.
Ендігі кезекте Павлодардағы тергеу изоляторына жеткізіледі.
«Ол аса ірі көлемде алаяқтық жасағаны және лауазымды тұлғаларға пара беруге итермелегені үшін күдікке ілінген. 2023 жылғы шілде айында Садвақасов Т.Х. мен адвокат Құрманбаев С.Н. өздерінің қызметтік байланыстарын пайдаланып, Долгалев В.И.-дің іскерлік серіктестеріне қатысты сотқа дейінгі тергеу бастау мәселесін шешуді ұсынған.Аталған мәселені шешу үшін Садвақасов Т.Х. мен Құрманбаев С.Н.-ға заңсыз сыйақы ретінде 225 млн теңге беру жөнінде келісім жасалған. Алайда, күдіктілер параның алғашқы бөлігі – 90 млн теңгені алғаннан кейін бұл қаражатты өз пайдасына жаратқан және өз міндеттемелерін орындамаған»,
