Қазақстанның ірі қалаларында аяз және қар болжанады
Бейсенбі, 2025 жылғы 9 қаңтарда Қазақстанның солтүстігінде аяз болып, қар жауады, оңтүстігінде күн ашық, ауа температурасы жайлы болады, – деп хабарлайды Taspanews.kz.
OpenWeather порталының мәліметіне сай, бүгін Алматы мен Шымкентте жауын-шашын болмайды.
Алматыда күн ашық, ауа температурасы минус 2 градус шамасында болады. Түнде термометр минус 13 градусқа дейін төмендейді. Желдің жылдамдығы секундына 2,8 метр болады.
Астанада аздаған қар жауады деп болжануда. Күндіз ауа температурасы минус 8 градус болса, түнде минус 15 градусқа дейін төмендейді. Желдің жылдамдығы секундына 7,9 метрге жетеді.
Шымкентте күндіз жауын-шашын болмайды. Ауа температурасы плюс 2 градусқа дейін көтеріліп, түнде минус 8 градусқа дейін төмендейді. Желдің жылдамдығы секундына 2,7 метр болады.
