Қазақстанның кей аймақтарында көлік қозғалысына шектеулер енгізілді
Фото: Pixabay
Ауа-райының нашарлауына байланысты Қазақстанның екі облысында көлік қозғалысына уақытша шектеулер енгізілді, – деп хабарлайды Taspanews.kz «ҚазАвтоЖол» баспасөз қызметіне сілтеме жасап.
Ұлттық оператордың мәліметінше, Батыс Қазақстан облысының шекарасы мен Маржанбұлақ ауылы аралығындағы Ақтөбе-Орал-Ресей шекарасы жолының көлік ең көп жүретін учаскелерінің бірі бойынша жүк және қоғамдық көлік қозғалысына шектеу қойылған.
«Ауа-райы жағдайы, соның ішінде қар мен қатты жел жолды көру мүмкіндігін азайтып, жол жағдайын айтарлықтай нашарлатады, бұл жол апаттарға әкелуі мүмкін. Шектеу шамамен сағат 20:00-де жағдай тұрақталып, қозғалыс қауіпсіздігі қамтамасыз етілгеннен кейін алынады деп күтілуде»,
Сондай-ақ, Жымпиты ауылы мен Ақтөбе облысының шекарасы аралығындағы жолдың Ақтөбе-Орал-Ресей шекарасы учаскесінде де осындай шаралар енгізілді. Сондай-ақ кешкі сағат 20:00-ге дейін жүк және қоғамдық көлік қозғалысы шектелді.
