Қазақстанның қызмет экспорттаушылары ТМД елдері нарығына шыға алатын болады
Фото: ТМД Атқарушы комитеті
Қазақстан Республикасы Парламенті Мәжілісі көрсетілетін қызметтердің еркін саудасы, инвестициялар құру, қызметі және оларды жүзеге асыру туралы келісімді ратификациялады, – деп хабарлайды Taspanews.kz ресми ақпаратқа сілтеме жасап.
Құжатқа 2023 жылғы 8 маусымда Сочи қаласында қол қойылған. Келісімді ратификациялау Қазақстанға сауда-экономикалық ынтымақтастықты кеңейтуге, отандық қызметтердің ТМД елдері нарығындағы экспортын арттыруға және инвестицияларды тартуға мүмкіндік береді.
Келісім ТМД еркін сауда аймағының тұрақты дамуын қамтамасыз етіп, мүше мемлекеттердің экономикасының өсуіне қолайлы жағдай жасайды. Құжат инвестицияларды реттеу ережелерін қамтып, ТМД елдерінде іскерлік ахуалды жақсартуға серпін береді.
