Хромтау ауданында мердігер жол жөндеу міндеттемесін орындамаған
Фото: Depositphotos
Хромтау ауданы Құдықсай ауылында жол сапасыз жасалғанын байқаған жергілікті тұрғындар әлеуметтік желіде әкімдікке мәселені мәлімдеді, – деп хабарлайды Taspanews.kz Hromtau LIVE сілтеме жасап.
Ауыл ішіндегі жолдар мемлекет тарапымен қаржыландырғанның өзінде нәтиже сұрақ туғызған. Жолға төселген шабақтас кей жерлерде тіптен жайсыз, қозғалысқа кедергі жасайды.
Әкімшілік жағдайдан хабардар болып шықты. Олардың айтуынша, «Актобе Климат Комфорт» ЖШС жол жөндеу жұмыстарын 2024 жылы 29 қарашада аяқтау керек болды. Алайда, міндеттемелер орындалмады. Осыған байланысты, жергілікті билік өкілдері ЖШС өкілдерін сотқа тартады. Қазіргі таңда іс сотта қаралуда. Ол аяқталған соң қажетті шаралар қолданылатын болады.
