Киберполицейлер Қостанай облысында жоқ монша сатушысын ұстады
Фото: Midjourney
Қостанай облысында киберполиция қызметкерлері саудагерді жеті жылға дейін бас бостандығынан айырылып, мүлкі тәркіленуі мүмкін алаяқты ұстады, – деп хабарлайды Taspanews ҚР Ішкі істер министрлігінің порталына сілтеме жасап
Киберқылмыспен күрес басқармасының басшысы Олжас Мағыпаровтың айтуынша, қылмыскер жоқ монша мен ағаш бұйымдарын сату үшін схеманы қолданған.
Лисаков қаласының 24 жастағы тұрғыны OLX және WhatsApp желілеріне өзін монша өндірушісімін деп таныстырып, хабарландыру жариялаған. Ол жәбірленушілерді, негізінен жеке үй иелерін монша мен ағаш паллет жасауды ұсынып, жалған келісім-шарттар жасап алдаған.
Сөйтіп, ол заңсыз жолмен 15 миллион теңгеге жуық табыс тауыпты.
Қылмыскер облыс орталығында кезекті заңсыз мәмілеге келе жатқан жерінде ұсталды.
Қазіргі уақытта 27 эпизод бойынша сотқа дейінгі тергеу жүріп жатыр. Полиция оның басқа да осыған ұқсас қылмыстарға қатысы бар-жоғын анықтауда.
