Қостанайда құқық қорғау қызметі түнгі клубтарда кәмелетке толмағандарды тапқан

Қостанай облысының түнгі ойын-сауық орындарында 100-ден астам кәмелетке толмағандар анықталды, – деп хабарлайды Taspanews.kz Polisia.kz сілтеме жасап.

Ағымдағы жылдың басынан бастап жергілікті полиция қызметі кешкі уақытта ойын-сауық орындарында – интернет-кафелер мен кальян-барларда жүзден астам кәмелетке толмағандарды анықтады. Заң бойынша балалар мен жасөспірімдерге мұндай жерлерде ересектерсіз сағат 22.00-ден 6.00-ге дейін болуға тыйым салынады.

Полиция прокурорлармен бірлесе, рейдтер ұйымдастырды. "Жасөспірім" операциясы аясындағы тексеріс барысында Қостанай орталығында екі интернет-кафеде 16 және 17 жасар балалар табылды. Жастар полиция учаскесіне жеткізілді.

Ата-аналары 12 мың теңге көлемінде айыппұл төлеуге мәжбүр болды. Заң бұзушылық қайталанған жағдайда сома екі еселенеді және жасөспірімдер профилактикалық есепке алынуы мүмкін. Жыл басынан бері отыздан астам ойын-сауық орындарының иелері тәртіптік жауапкершілікке тартылды. Жасөспірімдер мекеме әкімшілігіне жалған құжаттар беріп, жағдайды күрделендіреді. Бұл тексеруді де тиімсіз етеді.