Қостанайда зейнеткер жасына жеткен қызметкерлерге өтемақы төленбеген
Фото: Pexels
Қостанай облысының прокуратурасы білім беру саласындағы заң бұзушылықтарды анықтап, 1,8 мыңнан астам педагогтың конституциялық құқықтарының бұзылғанын мәлімдеді, – деп хабарлайды Taspanews.kz Бас прокуратураға сілтеме жасап.
Мұғалімдердің 185 миллион теңгеден астам іссапар шығындары өтелмеген, ал 350 қызметкерге зейнетке шығу бойынша 38 миллион теңге өтемақы төленбеген. Зейнеткерлікке шығу бойынша құжаттардың орнына келісімшартты екі жақ бұзғандығы немесе жұмысшының өз арызы бойынша кеткендігі келтірілген.
Қадағалау шаралары нәтижесінде 405 педагогқа 60 миллион теңгеден астам қаржы төленді, ал қалған қаражат жақын арада өтеледі.
