Мәжілісте уран саласында барлау мен өндіру құқығын ұлттық компанияға беру талқыланды
2025 жылы 19 наурыз күні ҚР Парламенті Мәжілістінің Экология және табиғатты пайдалану комитетінде жер қойнауын тиімді пайдалануға бағытталған Заң жобасы таныстырылды, – деп хабарлайды Taspanews.kz ҚР Парламенті Мәжілісіне сілтеме жасап.
Жер қойнауын пайдалану туралы кодекске уран мен көмірсутек саласындағы жер қойнауын жетілдіру мәселелері бойынша түзетулер енгізу қаралды. Парламент депутаттарының бастамасымен әзірленген құжатта келесі мәселелер алға қойылды:
– геологиялық зерттеулер үшін инвестиция тарту;
– уран және мұнай-газ салаларын дамыту;
– көмірсутектер бойынша ұлттық компанияларға басымдықпен берілген жер учаскелерін резервке қою;
– уран саласындағы барлау және өндірудің құқығын ұлттық компанияларға беру;
– уранды қайта өңдеу мен байыту технологияларын дамыту міндеттемелерін бекіту.
Заң жобасы Экология мәселелері және табиғат пайдалану комитетінің төрағасы Еділ Жаңбыршин жетекшілік ететін жұмыс тобы отырысында талқыланбақ.
