"Медеу" мұз айдыны жаңғыртудан өтеді

Алматының ең танымал және көрнекті нысандарының бірі – “Медеу” мұз айдыны жақын арада күрделі өзгерістерге ұшырайды, – деп хабарлайды Taspanews.kz.

Орталық коммуникациялар қызметінде өткен брифингте қала әкімі Ерболат Досаев спорттық-туристік нысанды жаңғырту жоспарымен бөлісті.

“Жыл басынан бері мұз айдынына 400 мыңнан астам адам келген. Оның танымалдылығының артуына байланысты мұз айдынының жағдайына аудит, яғни тексеру жүргізу туралы шешім қабылданды. Бұл мұз айдыны келушілер ағынына қалай төтеп беретіні туралы түсінік қалыптастыру үшін қажет болды”, – деді әкім.

Ерболат Досаевтың айтуынша, аудит мұз айдыны қалыпты жұмыс істеп тұрғанын, алайда инфрақұрылымды жаңарту қажеттігін көрсетті.

Алматы облысында жер сілкінісі жиілеп кетті: сейсмикалық қауіпсіздік шаралары қалай күшейтіледі

вчера, 11:19

“Біз Медеуді жаңғырту бойынша жобалау жұмыстарын бастап кеттік. Мұзды жасап шығару жүйесі жаңартылғанымен, мұз айдынын одан да тиімді және келушілер үшін ыңғайлы ету үшін инженерлік шешімдер мен басқа да техникалық элементтерді жетілдіру қажет”,  – деді Алматы әкімі.