Мемлекет меншігіне 8 су қоймасы қайтарылды

Фото: Pexels
Алматы облысының табиғат қорғау прокуратурасы су ресурстарын басқаруда заң бұзушылықтарды анықтап, 8 су қоймасын мемлекет меншігіне қайтарды, – деп хабарлайды Taspanews.kz ҚР Бас прокуратурасына сілтеме жасап.
Жосықсыз басқарушылармен келісімшарттар бұзылып, 20 млрд теңгеден астам мүлік мемлекетке өтті.
"Олар 8 су қоймасының тиісті техникалық жай-күйін сақтау жөніндегі шарттық міндеттемелерді елемеген, атап айтқанда су шаруашылығы жүйелері мен құрылыстарына тексеру жүргізбеді", – делінген Бас прокуратура хабарламасында.
Қазіргі уақытта прокурорлық қадағалау актісі бойынша уәкілетті органдар тарапынан су объектілерінің техникалық жағдайы тексерілуде.