«Мені көшеде тани бастады»: 17-жасар қыз биыл ҰБТ-да 140 балл алды
Ақмола облысының тұрғыны Айым Ержанова биыл ҰБТ-дан 140 балл жинады. Жас түлек Taspanews тілшісіне сұхбат беріп, осындай керемет жетістікке қалай жеткенін айтып берді. Ол оқуына кім көмектескенін айтты және қолдау көрсеткен жақындарына алғысын білдірді. Сонымен қатар, бойжеткен әлі аттестациядан өтпеген талапкерлерге біраз кеңес берді. Сұхбаттасқан Дина Болатова.
Айым сұлу әрі ақылды қыз. Ол өз тілінде- қазақша сөйлескенді жөн көреді.
– Айым, өзіңіз туралы қысқаша айтып өтсеңіз. Сіз қай жерде тұрасыз, қай мектепті бітірдіңіз?
– Менің атым Ержанова Айым Мұратбекқызы, жасым 17-де. Мен Ақмола облысы Қосшы ауданындағы Қошқарбаев атындағы №1 мектепті бітірдім.
– ҰБТ-да қандай пәндерден өттіңіз? Неліктен оларды таңдадыңыз? Сіз кәсіби өмірде қандай болғыңыз келеді?
– Мен «Дүниежүзі тарихы», «Ағылшын тілі» пәндерін тапсырдым. Мен аудармашы болғым келеді. Екі шет тілі мамандығын таңдадым.
– ҰБТ-ға қаншалықты шындап дайындалдыңыз? Мүмкін сіз дайындық курстарына қатысқан шығарсыз? Әлде бәріне өз күшіңізбен қол жеткіздіңіз бе?
– Мен ұзақ және үздіксіз, демалыссыз және тоқтаусыз дайындалдым. Шынымды айтсам, осындай жетістіктерге жетуіме оқу орталығында сабақ берген ұстаздарым Алдоңғар Әлішер мен Сағадатов Тұранның арқасы.
– 140 ұпай жинаймын деп ойладыңыз ба? Сіздің отбасыңыз бұл нәтижені қалай қабылдады?
– Мен екі рет ҰБТ тапсырдым. Алғашқы нәтижем 136 балл болды. Таңдалған негізгі пәндерден 50/50, 20/20 балл жинадым, бірақ оқу сауаттылығы мен математикалық сауаттылықтан қателер жібердім. Сондықтан, қателіктерімді түзеткім келгендіктен, екінші рет тапсыруды жөн көрдім. Әрине, мен 140 ұпайды екінші рет жинаймын деп ойламадым, бірақ мен өзіме сендім. Алғаш 136 балл жинағанымда туыстарым қатты қуанып, бірден той жасап, үлкендер бата берді. Мен үлкендердің батасының арқасында 140 ұпай жинадым деп ойлаймын.
– Осы нәтижеден кейін өміріңіз қалай өзгерді?
—«Мен әлі де шок күйдемін, өйткені мені көшеде көп адамдар танып жатады. Олар келіп құттықтайды. Шынымды айтсам, мені осылай құттықтаған мені қатты қуантады.
– Келесі жылдың талапкерлеріне қандай кеңес берер едіңіз? Қандай тиімді дайындық кеңестерін бере аласыз, мысалы, сіз қаншалықты уақыт дайындалдыңыз, күніңізді нешеде бастадыңыз?
– Болашақ талапкерлер ҰБТ-ға дайындалудың маңыздылығын түсінсе деймін. Өйткені, қиын болды. Үміткерлер алдағы емтиханның қиындығын түсінуі керек. Дайындықты мүмкіндігінше ертерек бастау маңызды. Тәртіп өте маңызды рөл атқарады. Тәртіпті дұрыс ұйқыдан бастаңыз. Ерте ұйықтап, ерте тұру керек. Сіз әрқашан жақсы тамақтануыңыз керек. Бірақ ең бастысы - тілек. Бәрі де мүмкін. Кез келген адам қаласа және тәртібін реттесе, 140 ұпай жинай алады.
– Жетістіктеріңізді әкімдік қалай қабылдады?
