Миллион қазақстандықты сумен қамтамасыз етеді
Фото: Midjourney
Су шаруашылығы және ирригация министрлігі 1 миллионнан астам адам тұратын 426 елді мекенде су құбырларын салу және қайта жаңғырту бойынша ауқымды жобаларды жүзеге асыруға кірісті. Бұл туралы Taspanews ведомствоның баспасөз қызметіне сілтеме жасап хабарлайды.
Бұл бастама аясында 28 жобаны жүзеге асыру жоспарлануда, оның мақсаты – аталған аудандарды ауыз сумен қамтамасыз ету сапасын арттыру. Құрылысқа және қайта құруға жататын сумен жабдықтау желілерінің жалпы ұзындығы 2000 километрден асады. Жұмыс екі жылдың ішінде аяқталады деп күтілуде.
Еліміздің 9 облысында құрылыс жұмыстары жүріп жатыр. Солтүстік Қазақстан облысында топтық су құбырларын салу және реконструкциялау бойынша 10 жоба, Қызылорда облысында – 6 жоба, Ақмола облысында – 4, Алматы облысы мен Ұлытау облысында – әрқайсысы екі жобадан, Атырау, Маңғыстау, Түркістан және Батыс Қазақстан облыстарында- бір жобадан іске асырылуда.
