Міндетті әлеуметтік медициналық сақтандыру жүйесіне өзгерістер енуі мүмкін
2025 жылы 26 наурызда Мәжілісте міндетті әлеуметтік медициналық сақтандыру туралы заң жобасы таныстырылды. Жаңа түзетулерге сәйкес, ҚР Денсаулық сақтау министрі Ақмарал Әлназарова 2026 жылдан бастап медициналық көмектің бірыңғай пакетіне кезең-кезеңімен көшуді ұсынды, – деп хабарлайды Taspanews.kz ҚР Денсаулық сақтау министрлігіне сілтеме жасап.
Ұсынылған нормалар бойынша, 2026 жылдан бастап МӘМС-тің шегі 50 ЕТЖ = 4,2 млн теңгеге дейін артады. Сонымен қатар, 4,2 млн теңгеден аспайтын табыс ескерілетін болады. Табыс көп болған сайын, салым да артады.
Жарналардың мөлшері өзгереді:
300 мың теңге үшін 6 мың теңге;
1,5 млн теңге үшін 30 мың теңге;
3 млн теңге үшін 60 мың теңге;
4,2 млн теңге үшін 85 мың теңге;
5 млн теңге үшін 85 мың теңге.
Өзгерістер аясында денсаулық сақтауды қаржыландыру, балалар, қарттар мен жүкті әйелдерге көбірек көңіл бөлінеді. Оларды ерте бастан кей ауру түрлерінен қорғау мен диагностика жүргізу алға қойылады.
