Мүгедектігі бар балаларға Павлодарлық арнайы әлеуметтік орталықта күш көрсетілген
Фото: Pexels
Павлодар облысында балаларға күш көрсету фактісі анықталды, – деп хабарлайды Taspanews.kz Павлодар облысы прокуратурасына сілтеме жасап.
«Арнаулы әлеуметтік қызметтер көрсетудің облыстық психоневрологиялық балалар орталығы» КММ бейнекамераларында кәмелетке толмағандарды ұрып-соғу тіркелді. Бұл денсаулығы дәрменсіз, психоневрологиялық ауытқулары бар балаларға күш көрсетудің дәлелі болды.
Мекеме қызметкерлеріне қатысты Полиция департаменті тарапынан ҚР Қылмыстық кодексінің 110-бабы бойынша сотқа дейінгі тергеп-тексеру жүзеге асады.
«Бақытты және қауіпсіз балалық шақ» жобасы аясында зорлық-зомбылыққа қарсы тексерулер жалғасын табады.
