Наурыз мейрамына орай туристік пойыздар жолға шығады

ҚР «Жолаушылар тасымалы» АҚ Наурыз мейрамы қарсаңында жолға шығатын туристік пойыздар туралы ақпараттандырды, – деп хабарлайды Taspanews.kz Қазақстан Темір Жолына сілтеме жасап.

20 наурызда Алматы-2 вокзалынан «Jibek joly» Алматы – Түркістан – Ташкент – Самарқанд – Тараз – Алматы» бағыты бойынша туристік пойыз жолға шығады.

Ал 21 наурызда «Keruen express» «Алматы – Түркістан – Самарқанд – Ташкент – Алматы» бағыты бойынша пойыз жөнелтіледі.

Сапарларға қызығушылықты 500-ге жуық турист білдірген.

Алматыда Наурыз мейрамына орай жүзден аса іс-шара өткізіледі

18 марта 14:13

«Туристік пойыз жолаушыларға Қазақстан мен Өзбекстанның бай тарихи және мәдени мұрасымен танысуға, сондай-ақ екі елде өтетін Наурыз мейрамының думанды шараларын тамашалауға бірегей мүмкіндік ұсынады», – делінген ҚТЖ баспасөз хабарламасында.