Орал қаласында анасы мен қызы өрт арасында қалған
Фото: ҚР ТЖМ
2025 жылдың 4-5 наурызға қараған түні Орал қаласы, Татар көшесі бойында орналасқан үш пәтерлі бір қабатты үйдің шатырынан өрт шықты, – деп хабарлайды Taspanews.kz ҚР ТЖМ сілтеме жасап.
Бір пәтердің ішінде анасы мен қызы қалып қойды. Төтенше жағдайдар қызметінің құтқарушылары үрейленген екеуін сыртқа шығарды. Уақытында шығарып үлгергендіктен, зардап шеккендер болмады. Өрт 70 шаршы метр алаңда сөндірілді.
