Ораза айт 2025: таң намазы қай жерде және қашан оқылады

Қазақстанда Ораза айтты тойлауға дайындық жүргізілуде. Қазақстан мұсылмандары діни  басқармасы айт күні – 30 наурызда өтетін намаз кестесін жариялады, – деп хабарлайды Taspanews.kz ҚМДБ-ға сілтеме жасап.

Бұл күні Астана, Алматы және Шымкент қалаларының мешіттерінде намаз таңғы сағат 07:00-де басталады.

Ораза айт – мейірімділіктің, бірлік пен қайырымдылықтың мерекесі. Ораза айтты тойлау дәстүрі 624 жылдан бастау алады, ал «айт» сөзінің өзі «қайта оралатын мереке» деген мағынаны білдіреді.