Павлодар облысында мемлекеттік тұрғын үйлерді бөлуде заң бұзушылықтар анықталды
Павлодар облысы, Железин ауданында пәтерлер тұрғын үй комиссиясының алдын ала шешімінсіз, жалға алу келісімінсіз берілген. Сонымен қатар, жетім бала өзіне тиесілі пәтерді ала алмаған, – деп хабарлайды Taspanews.kz ҚР Бас прокуратурасына сілтеме жасап.
Пәтерлер лауазымды тұлғаларға берілген.
70 жалға алушы 6,5 млн теңгеге жалға алу төлемдерін төлемегені анықталды. Ауданның жергілікті атқарушы органы бұл қаражатты өндіріп алуды іске асырмаған.
Сонымен қатар, жетім балаға арналған пәтерді 2022 жылдан бастап Башмачинск мектебі мұғалімі алды.
Кей жағдайларда мемлекеттік тұрғын үй үшінші тұлғаларға берілді. Кезекте тұрғандар тізіміне қайтыс болған азаматтар да кірген.
Әкімдік базасында 65 бос үй болғанмен, тұрғын үй кезегінде тұрған адамдар саны – 209. Тұрғын үйге мұқтаждарға бос тұрғын үй бөлінбеген.
«Мысалы, Мынкөл ауылында төрт пәтер бос тұр, ал тұрғын үй кезегінде бес адам, олардың арасында көпбалалы отбасы, жетім балалар және әлеуметтік осал топтардың өкілдері бар. Тексерудің нәтижелері Мемлекеттік қызмет істері департаментінің этика жөніндегі кеңесінде қаралды, жіберілген заң бұзушылықтар үшін Железин ауданындағы нақты сектор экономикасы бөлімінің басшысы қызметтік міндеттерін толық орындамағаны үшін ескерту түрінде тәртіптік жауапкершілікке тартылды»,
