Павлодар облысындағы дала өрті алдын ала 20 гектар алаңда сөндірілді
Фото: Freepik
2025 жылы 4 сәуірде Павлодар облысы Баянауыл ауданы, Жасыбай орманшылығының аумағында құрғақ шөп өртенді, – деп хабарлайды Taspanews.kz ҚР ТЖМ сілтеме жасап.
Екпінді жел мен құрғақ шөп есебінен өрт жылдам жылжыды. Басты мақсат өрттің елді мекендерге таралмауы болды. Тұрғындар үшін қауіп жоқ.
Өрт сөндіруге 85 адам жұмылдырылды. Төтенше жағдайлар департаментінің, орман шаруашылығының, Қазавиаорманкүзеті мен орманшылықтың күштері және құралдары оқиға орнында жалынның таралмауы үшін қызмет атқарды.
2025 жылы 4 сәуір сағат 20:27 ақпарат бойынша өрт алдын ала 60 гектар алаңда оқшауланды. Ал 5 сәуір сағат 09:22-де өрттің алдын ала 20 гектары сөндірілгені белгілі болды.
