Павлодар облысындағы қасірет : ана балан кездейсоқ тұншықтырып алды

Павлодар облысында бір отбасы үшін орны толмас оқиға орын алды, – деп хабарлайды Taspanews.kz Pavlodarnews.kz сілтеме жасап.

Анасы емізу кезінде шаршап-шалдыққаннан ұйқыға кетіп, 28 күндік жаңа туған нәрестені денесімен басып қалған. Бұл оның өліміне әкелді. Павлодар облыстық балалар ауруханасының докторы Жұлдыз Шахитдинова қайғылы жаңалықты растап, мұндай жағдайлар осы аптада екінші рет қайталанғанын атап өтті.

Шахитдинова өткен аптада осындай екі жан түршігерлік жағдай болғанын айтып, алаңдаушылық білдірді. Ол өткен жылы бір жасқа толмаған 13 бала механикалық асфиксиядан қайтыс болғанын, ал биыл төрт жағдай тіркелгенін, олардың екеуі өткен аптада ғана орын алғанын атап өтті. Педиатр ана мен бала үшін бөлек ұйықтауды қатаң түрде ұсынады, нәрестені тамақтандырғаннан кейін бесікке салудың маңыздылығын атап өтіп, бесіктен артық заттарды — ойыншықтарды да, жастықтарды да алып тастау керек, тек матрац пен жаялықты қалдыруға шақырады.