Павлодар облысындағы өрт: әже мен немерелер құтқарылды
Фото: ҚР ТЖМ
2025 жылы 31 наурызда Павлодар облысы, Баянауыл ауданы, Баянауыл ауылында орналасқан жеке тұрғын үйге жапсарлас салынған жазғы ас үй өртенді, – деп хабарлайды Taspanews.kz ҚР ТЖМ сілтеме жасап.
Ағаш ғимарат пен негізгі ғимараттың төбесі өртенді. Жалын 60 шаршы метр аумақты қамтыды.
Өрт сөндірушілер үй ішінен 3 адамды – әжесі мен немерелерін терезе арқылы шығарды. Тағы да бір 2009 жылы туылған бала өрт салдарынан ауруханаға жеткізілді. Дәрігерлердің қарауынан кейін ол үйіне жіберілді.