Перизат Қайраттың анасы ақшаны ұрлауға көмектесу бойынша күдікке ілінді
Ерікті Перизат Қайраттың анасы Ғайни Алашбаева көктемгі су тасқынынан зардап шеккендерге көмек ретінде жиналған қаражатты ұрлауға қатысты іс бойынша ресми түрде күдікті деп танылды, деп хабарлайды Taspanews.kz.
Бұл туралы журналист Михаил Козачков өзінің Telegram-каналында хабарлады.
"Тергеу органдары Ғайни Алашбаева зардап шеккен облыстардың тұрғындарына көмектесу үшін қазақстандықтар жинаған қаражатты қолма-қол ақшаға айналдыру процесінде қызына белсенді түрде көмектескені туралы қорытындыға келді",
Бұл қаражат су тасқынынан зардап шеккендерге көмектесуге жұмсалды, алайда тергеу бұл ақшаның заң бұзушылықпен пайдаланылғанын алға тартады. Еске салсақ, Перизат Қайрат ерікті болып, көктемгі су тасқынынан зардап шеккендерге қайырымдылық акциясы аясында жиналған 1,5 миллиард теңгеден астам қаржыны ұрлау бойынша айыпталуда.
Қаражаттың бір бөлігі ол басқаратын қорға түскені айтылады, алайда тергеу барысында қордың "Аманат" партиясымен байланысы, сондай-ақ құрылтайшылардың көпшілігі осы партия мүшелері болып шыққандығы анықталды.
Осыдан кейін туындаған келеңсіздіктердің салдарынан Перизат Қайрат Қазақстан Пара үстел теннисі федерациясының президенті қызметінен шеттетілді.
Кейін белгілі болғандай, Перизат Қайратқа 200 миллион теңге ұрлады деген айып тағылған.
Ол Астанада екі айға қамауға алынды.
Сот органдары келтірілген залалдың өтелуін қамтамасыз ету, сондай-ақ одан әрі тергеу әрекеттерін жүргізу үшін оның мүлкіне тыйым салды.
