Семейде соққыға жығылған балаға пәтер сыйланды
Семейде жасөспірімдер тарапымен ұрып-соғылған оқушыға пәтер сатып алынды - қазақстандықтар санаулы күнде 35 миллион теңге жинады, – деп хабарлайды Taspanews.kz .
Құрдастарынан қатыгездік көрген жасөспірімнің отбасына еріктілер төрт бөлмелі пәтер сатып алды. Қазақстандықтар үш күнде 35 миллион теңге жинады. Қуанышты жаңалықты ерікті Динара Садырбаева Instagram парақшасында жариялады. «Мәміле жақсы өтті, барлығына қол қойылды. Құжаттар Әлинұрға тіркеген, алайда ол 18 жасқа толмаған болған соң құжаттарға қолды әкесі қойды. Пәтер енді баланың өз үйі болып саналады», – деді ол.
Еске салсақ, ақпан айының соңында әлеуметтік желіде бір топ мектеп оқушылары жасөспірімді ұрып-соғып, масқаралады. Барлығы қаскүнемдер тарапымен бейнекамераға түсірілді.
Бейнежазба қоғамда резонанс тудырды. Халық әділдікті талап етті. Сонымен қатар, олар жәбірленушінің отбасына көмектесуді шешті.
Жанжалдан кейін сотқа дейінгі тергеу басталды. Комиссия қатаң шешім қабылдады: төбелеске қатысушылардың барлығы девиантты мінез-құлықты балаларға арналған арнайы мектепке жіберіледі. Олар психологтармен жұмыс істеуге мәжбүр болады. Үш жасөспірімнің заңды өкілдері ата-аналық құқығынан айырылуы мүмкін. Баланың мектебінде бірнеше адам тәртіптік жауапкершілікке тартылып, директор жұмыстан босатылды.
