Семейде соққыға жығылған оқушы басқа аудандағы жаңа мектепке ауысады
Фото: Pexels
Семейде жасөспірімдер тарапымен соққыға жығылған 6 сынып оқушысына қазақстандықтар қаражат жинап берді. Осының арқасында ол басқа ауданнан үйлі болды және жаңа сыныпқа ауыспақ, – деп хабарлайды Taspanews.kz КТК сілтеме жасап.
Баламен бірнеше апта бойы психологтар жұмыс істеген. Қазіргі таңда оның жағдайы тұрақты. Ол мектепке оралуға дайын.
Ал ұрып-соққандардың қатарындағы 13 және 16 жасар қыздар сот үкімі бойынша арнайы мектепке жіберілді. 13 жасар бала ерекше режимде ұстайтын білім беру ұйымына жіберілді. Қалған 2 жасөспірім есепке алынды. Ата-аналарға айыппұл салынды. Мектеп директоры жұмыстан шығарылды.
Зардап шеккен оқушы «Динамо» дене шынықтыру спорт қоғамының қолдауына ие болды. Бокспен айналысуда.
