Шерзат Полат оқиғасынан кейін Талғарда жаңа әкім сайлауы өтуде
15 желтоқсанда Талғарда жаңа қала әкімін сайлау басталды. Бұл жергілікті әкімшіліктегі маңызды өзгерістермен қатар жүруде. Шерзат Полаттың қаза болуынан кейін бұрынғы қала әкімі қызметінен босатылған, – деп хабарлайды Taspanews.kz облыс әкімдігінің баспасөз қызметіне сілтеме жасап.
Талғар қаласының әкімі лауазымына кірісу үшін үш үміткер тіркелді.
«Сайлау учаскелері сағат 7:00-ден 20:00-ге дейін жұмыс істейді, қала бойынша тіркелген сайлаушылардың жалпы саны – 42 774 адам. Олар 26 сайлау учаскесінде дауыс бере алады»
Үміткерлер қатары:
Арыстанбек Әбілқайырұлы, 41 жаста, «Аманат» партиясынан кандидаттыққа шығарылды. Қазіргі таңда «Талғар Тұрғын үй» ЖШС-ін басқарады және қалалық тұрғын үй құрылысы саласында тәжірибесі бар;
Кәденов Жәнібек Жанболатұлы, 33 жаста, ҚХП кандидаты. Қазіргі уақытта Талғар ауданы әкім аппаратының қаржы-шаруашылық бөлімінде бас маман қызметін атқарады. Муниципалды басқару саласында тәжірибе жинаған;
Рамазанов Әлібек Ғайсаұлы, 42 жаста, өзін-өзі ұсынған кандидат. Қазіргі таңда Талғар ауданы Бесағаш ауылдық округі әкімінің аппаратында әкімінің орынбасары қызметін атқаруда.
Бұрынғы қала әкімі Бақыт Күрішбеков 2024 жылдың 15 қазанында айдың басында орын алған қайғылы жағдайға байланысты қызметінен босатылды. Еске салсақ, 4 қазанда Талғарда көшедегі төбелестің салдарынан 16 жастағы Шерзат Полат пышақталып, қаза болды. Тағы екі адам ауыр жараланды. Іс бойынша жеті күдікті қамауға алынып, Ішкі істер министрі тергеуді жеке бақылауына алды.
Күрішбековтің қызметінен кетуіне осы оқиғаға байланысты туындаған қоғамдық наразылық, сондай-ақ өңірде тәртіптің сақталмауы себеп болды.
