Шетелдік жұмыс күшін заңсыз пайдаланғаны үшін 387 қазақстандық жауапқа тартылды
Шетелдік жұмыс күшін заңсыз тартқан 387 Қазақстан азаматы жауапкершілікке тартылды, – деп хабарлайды Taspanews ҚР Ішкі істер министрлігінің порталына сілтеме жасап
3 маусымда Қазақстан Республикасында көші-қон заңнамасын бұзудың алдын алуға бағытталған «Нелегал – 2024» кең ауқымды операциясы басталды.
Өткізілген үш күн ішінде көші-қонға байланысты 5,5 мыңға жуық әкімшілік құқық бұзушылық анықталды, оның ішінде елден кетуден жалтару және заңсыз еңбек қызметі бар.
Анықталған заң бұзушылықтардың басым бөлігі еңбек көші-қонына қатысты, мұнда шетелдік жұмысшылар да, жергілікті жұмыс берушілер де жауапты. Шетелдік жұмыс күшін тиісті рұқсатсыз пайдаланғаны үшін 387 қазақстандық жұмыс беруші жауапқа тартылды, мұндай жағдайлардың басым бөлігі Алматы, Астана, Шымкент және Маңғыстау облысында тіркелген.
Көші-қон қызметі жұмыс берушілерді қайталап бұзушылықтар қылмыстық жауапкершілікке тартылатынын ескертеді. «Нелегал-2024» операциясы аясында көші-қон ережесін бұзған 605 шетелдік Қазақстанға бес жылға кіруге тыйым салынып, ел аумағынан шығарылды.
