ШҚО-да жоғалған он жасар қыз табылды

Шығыс Қазақстан облысының кішкентай тұрғыны Евгенияны іздеу оң нәтижемен аяқталды, – деп хабарлайды Taspanews.kz Polisia.kz сілтеме жасап. Оқиға 5-ші тамыздың кешінде Риддерде болды.

Бұл күні алаңдаған ана жергілікті құқық қорғау органдарынан көмек сұрады, өйткені 10 жасар Евгения үйден сағат 18.00-ден 19.00 аралығында шығып, оралмаған.

Үмітсіз ата-аналар қызын өз бетінше табуға тырысты, бірақ барлық күш-жігер нәтижесіз болып, олар полицияға жүгінді. Бөлімнің жеке құрамы еріктілермен бірге іздеу жұмыстарын бастады, қаланың айналасы мен жақын аудандарын мұқият тексерді.

Алтыншы тамызда таңертең қыз табылды. Жергілікті тұрғындардың бірі түнде көшеде жылап тұрған қызды байқаған. Жанашыр әйел Евгенияны өзіне шақырып, түнеуге рұқсат берді. Оянып, әлеуметтік желілерде орналастырылған іздеулер туралы білгеннен кейін, әйел бұл туралы құқық қорғау органдарына хабарлады.

Евгения үйіне қайтарылды. Полиция қызметкерлері оның ата-анасымен түсіндіру жұмыстарын жүргізді. Тәртіп сақшылары Риддер тұрғынына адамгершілік танытқаны үшін шын жүректен алғыстарын білдірді, сондай-ақ халыққа осындай жағдайларда "102" нөмірі бойынша дереу полицияға жүгіну қажеттігін еске салды.