Шу ауруханасында қайтыс болған әйелдің ісі бойынша тексеру басталды
ҚР Денсаулық сақтау министрлігі комиссиясының тексеруі барысында Шу ауданындағы ауданаралық орталық аурухананың бас дәрігері мен перзентхана бөлімшесі меңгерушісі жұмыстарынан шеттетілді, - деп хабарлайды Taspanews.kz ҚР Денсаулық сақтау министрлігіне сілтеме жасап.
Медициналық көмек көрсетудің қағидаларын бұзған қызметкерлерге қатысты жұмыстан шығару немесе тәртіптік сипаттағы шаралар қабылданады. Жамбыл облысы Денсаулық сақтау басқармасы басшысы тәртіптік жауапкершілікке тартылып, қатаң сөгіс алды.
Ендігі кезекте, Денсаулық сақтау министрлігі комиссиясы бұзушылықтарды жою мақсатында облыстың барлық босандыру ұйымдарында мониторинг жүргізу бастамасын көтерді.
«Бұдан басқа, Шу көпбейінді орталық ауруханасының перзентхана бөлімшесінің төсектерін акушерлік-гинекологиялық көмек көрсетуді өңірлендірудің II деңгейіне сәйкес келетін аудандық орталық аурухана деңгейіне ауыстыру жоспарлануда»,
Еске салсақ, 22 наурыз күні әйел Шу аудандық көпбейінді ауруханасында жұмбақ жағдайда қаза тапқан. Аурухана әжетханасында құлап қалған ол 30 минут бойы қараусыз қалды. Баласы дәрігерлер тарапымен алынып тасталып, өзі комаға түсті. Кейіннен, күйеуі әйелінің мәйітін аурухана қоймасынан тапқан.
