Шымкентте үш айлық қыз бен оның анасын ұрып-соғу жайлы жаңа мәліметтер белгілі
Шымкенттің 53 жастағы тұрғыны 23 жастағы жұбайы мен олардың үш айлық қызын ұрды деп айыпталған. 3 тамызда болған бұл оқиға халық сынына ұшырады, – деп хабарлайды Taspanews.kz КТК-ға сілтеме жасап. Ер адамның ұрып-соққан әйелі жүкті екені анықталды.
Шымкент Денсаулық сақтау басқармасының мәліметінше, 3 тамызға қараған түні №1 клиникаға зардап шеккен әйел мен оның сәбиі жеткізілді. Әйелді екі досы ертіп әкелді. Қабылдау кезінде әйелде көздің зақымдануы және мидың шайқалу белгілері анықталды. Жәбірленуші дәрігерлерге күйеуінен жарақат алғанын бірден мойындамады. Дәрігерлер баланың денесінде көгерген жерлерді байқағаннан кейін ғана полиция шақырылды. Қазір агрессорды құқық қорғау органдары ұстады. Сондай-ақ, ұрып-соққан әйелдің жүктіліктің 12-ші аптасында екендігі белгілі болды.
Шымкент қаласы Денсаулық сақтау басқармасы басшысының орынбасары Бақытжан Абдуллаев сәбидің жағдайы орташа, балалар ауруханасының реанимациясына түскенін хабарлады. Дәрігерлер оған мидың жабық жарақаты, желке сүйегінің сызықтық сынуы, мойынның, арқаның және жамбастың жұмсақ тіндерінің көгеруі диагнозын қойды. Жағдайдың туа біткен дерт – гидроцефалия қиындататынына қарамастан, нәресте өздігінен тыныс алады.
