Солтүстік қазақстандық полицейлер түнгі уақытта жасөспірімдердің қауіпсіздігіне бақылауды күшейтті
Полицейлер бес күн ішінде жасөспірімдердің түнгі уақытта серуендеуінің 84 фактісін анықтады, - деп хабарлайды Taspanews.kz Солтүстік Қазақстан облысының ІІМ сайтына сілтеме жасап.
Жаз айларында жиі қараусыз қалатын жасөспірімдердің қауіпсіздігіне тәртіп сақшылары баса назар аударады. «Құқықтық тәртіп» операциясы аясында ювеналды полицейлер түнгі патрульдерді көбейтті. Нәтижесінде бес күн ішінде кәмелетке толмағандардың түнгі уақытта ересектердің еріп жүруінсіз көшеде болған 84 оқиға тіркелді. Бұл балалардың ата-аналары әкімшілік жауапкершілікке тартылды.
«Біз облыс тұрғындарынан кәмелетке толмаған балаларына көбірек көңіл бөлуді және олардың бос уақытын тиімді өткізуге тырысуды шын жүректен сұраймыз. Жасөспірімдер жасайтын және оларға қарсы жасалатын қылмыстар мен құқық бұзушылықтардың негізгі шарты – абайсыздық».
Сонымен қатар, 1 маусымнан бері полицейлер 2 мыңнан астам адамды тексерді, оның ішінде 236 қолайсыз отбасы бар. Кәмелетке толмағандарды тәрбиелеуде өз міндеттерін орындамаған 33 қорғаншы әкімшілік жауапкершілікке тартылды.
Солтүстік Қазақстан облысының тәртіп сақшылары бес күн ішінде барлығы 2339 түрлі әкімшілік құқық бұзушылықты анықтады. Операция барысында қоғамдық қауіпсіздікті қамтамасыз ету бойынша полиция қызметінің барлық бағыттары күшейтілді.
