Солтүстік Қазақстан облысында 70 тұрғын өрттен құтқарылды
Фото: ҚР ТЖМ
СҚО ТЖД қоғаммен байланыс тобының мәліметіне сай, 16 қыркүйек кешінде Назарбаев көшесі бойында көпқабатты үйдің пәтері өртенді, – деп хабарлайды Taspanews.kz ҚР ТЖМ-не сілтеме жасап.
2 қабаттағы пәтердегі электр сымдарының қысқа тұйықталуы нәтижесінде, қауіпті жағдай туындаған.
Назарбаев көшесінің бойына Солтүстік Қазақстан облысы ТЖД өрт сөндіру қызметінің бөлімшелері келді. Құтқарушылар 70 тұрғынды сыртқа шығарды. Өрт 9 шаршы метр аумақты қамтып, пәтер кіреберісіне дейін жеткен.
Өрт сағат 22:00-де толық сөндірілді.
Зардап шеккендер жоқ. Көрші пәтерлерге жалын тарамаған.
