Солтүстік Қазақстан облысында ет тиелген алып жүк көлік жолдың сыртына шығып кетті
Солтүстік Қазақстан облысы, Көкшетау-Рузаевка тас жолында ауыр жүк көлігі жол апатына ұшырады, – деп хабарлайды Taspanews.kz ҚР ІІМ баспасөз қызметіне сілтеме жасап.
Жолдың 111-ші шақырымында 20 тонна ет тиелген жүк көлігі кенет жол сыртына ауып кетті.
«Жүк көлігін 55 жастағы Грузия азаматы жүргізген. Ол жарақаттанбаған, алайда мұндай алып көлікті қосымша көмексіз алып шығу мүмкін емес еді», - деп хабарлады ІІМ.
Оқиға орнына патрульдік полиция қызметкерлері мен учаскелік инспектор жедел жеткен. Құтқару жұмыстарына ауыр техника қажет болды, оны Айыртау ауданындағы кәсіпорындардың бірі жеткізген. Жұмысшылар полиция қызметкерлерімен бірлесіп, келісілген тәртіпте жұмысқа кірісіп, жүк көлігін жолға көтере алды.
Көп ұзамай көлік қозғалысы толығымен қалпына келтірілді.
Жағдай әлеуметтік желіде қері байланыс туғызды:
«Егер жолдар жақсы жағдайда болса, мұндай жағдай болмас еді!»; «Жолдың барлығын қар басып жатыр, «ҚазАвтоЖол» қайда?! Сосын жүргізуші бекер кінәлі болып қалады!»–
деп наразылығын білдірді қазақстандықтар.
