Солтүстік Қазақстан облысында толып қалған элеваторларда қосымша орын қарастырылды
Фото: Pexels
Солтүстік Қазақстан және Ақмола облыстары бойынша «Астық қоймалары» ЖШС 177 мың тонна астық қабылдауға дайын, – деп хабарлайды Taspanews.kz Ауыл шаруашылығы министрлігіне сілтеме жасап.
Дәнді дақылдарды тапсыруға тырысқан тұрғындар үшін элеваторлардың толып қалу мәселесін шешу аясында «Астық қоймалары» ЖШС компаниясы сыйымдылықты арттырды. Элеваторлар мәселесі министрлік тарапынан тұрақты бақылауда.
Еске салсақ, 4 қарашада дәнді-дақылдардың далада босқа жатып, құрып бара жатқандығы туралы хабар түскен. Элеваторлардың толып қалуы келеңсіздіктер туғызды.
