Солтүстік Қазақстан облысында жұмысшылар құқығы қорғалды
Фото: Depositphotos
Солтүстік Қазақстан облысы прокуратурасы жұмысшылардың еңбекақысынан әлеуметтік төлемі ұстап қалу жағдайын тіркеді, - деп хабарлайды Taspanews.kz Бас прокуратураға сілтеме жасап.
Тайынша әлеуметтік қызмет көрсету орталығының басшылары ынтыландыру ақыларын төлеу үшін 20 қызметкердің 2 миллион теңге жалақысын ұстап қалған.
Осындай құқық бұзушылыққа Олимпиадалық резервтің дайындық орталығында, М. Жұмабаев ауданы балалар және жасөспірімдер спорт мектебінде, сонымен қатар әкімдіктің денсаулық басқармасында да жол берілген.
Прокуратура қадағалауымен жауапты тұлғалар тәртіптік жауапкершілікке тартылып, заңсыз ұсталған қаражат қайтарылды. 23 жұмысшы құқығы қорғалды.
