«STOP трафик»: ҚР Ішкі істер министрлігі адам саудасының 49 фактісін анықтады
22-24 мамыр аралығында ұйымдасқан қылмысқа қарсы күрес бөлімшелері «STOP- трафик» операциясын жүргізді, оның барысында адам саудасының 49 фактісі анықталды, оның тоғызы- кәмелетке толмағандар, - деп хабарлайды Taspanews ҚР ІІМ ресми порталына сілтеме жасап.
Операция нәтижесінде адам саудасымен айналысатын ұйымдасқан қылмыстық топтарды (ҰҚ) құру және басқару бойынша үш алдын ала тергеу қозғалды.
Астанада тоғыз элиталық монша кешенінде жас қыздарды жыныстық қанауға мәжбүрлеген 17 адамнан тұратын қылмыстық топ әшкереленді. 30-дан астам іздеу жүргізіліп, оның барысында ақша мен алты автокөлік тәркіленді. Негізгі күдіктілер қамауға алынды.
Шымкентте де осындай ұйымдасқан қылмыстық топ жойылып, 1 миллионнан астам теңге, 16 мың АҚШ доллары мен 10 автокөлік тәркіленіп, топ жетекшілері қамауға алынды.
Петропавлда 2023 жылдан бері физикалық зорлық-зомбылық пен бопсалаумен қорқытып, жас қыздарды жыныстық қанауға тартатын тағы бір топ әрекет етуде. Ішкі істер министрлігі ұйымдасқан қылмыстық топтарға қарсы күрес департаментінің өкілі Қуандық Алпыс ұйымдасқан қылмыстық топ құру және оған жетекшілік ету бойынша тергеу жүріп жатқанын айтты.
Бірқатар өңірлерде халықтың әлеуметтік осал топтарын қайыр сұрауға мәжбүрлеу жағдайлары тіркелді. Қарағандыда мүмкіндігі шектеулі жандарды зорлық-зомбылықпен қорқытып, қайыр сұрауға мәжбүрлеп, жылына 10 миллион теңгеге дейін табыс алған топ ұсталды. Ақтөбе, Алматы және Маңғыстау облыстарында базарлар мен вокзалдарда мүгедектер мен жас балаларды пайдаланған мұндай қылмыстық топтар жойылды.
Күдіктілердің барлығы қамауға алынды, жұмыс жалғасуда
