Су ресурстары және ирригация министрлігі заңсыз су нарығына жауапкершілікті күшейтеді
Су ресурстары және ирригация министрлігі заңсыз су айналымына қарсы күрес шараларын күшейтуде, - деп хабарлайды Taspanews.kz ҚР Су ресурстары министрлігіне сілтеме жасап.
Су ресурстары және ирригация министрлігі заңсыз су айналымын жою үшін су секторындағы заң бұзушылықтар үшін жазаны күшейтпекші. Жаңа Су кодексіне су ресурстарын пайдалану мен қорғауға мемлекеттік бақылау мен қадағалауды күшейтуге бағытталған маңызды түзетулер әзірленуде.
Жаңа Су кодексінің жобасында уәкілетті департаменттер мен бассейндік инспекцияларға қадағалау функцияларын беру көзделген. Қазіргі таңда бассейндік инспекциялар Кәсіпкерлік кодекс аясында тексеру жұмыстарын жүргізуде. Бірақ құқық бұзушылар ұзақ жоспарлау, тіркеу және хабарлау процесінің салдарынан жазасыз қалып жатады.
Сондай-ақ, қолданыстағы Кәсіпкерлік кодекске өзгерістер енгізу жоспарлануда. Бұл түзетулер бассейндік инспекциялар мен мемлекеттік су инспекторларының функцияларын кеңейтеді, мемлекеттік бақылау мен қадағалау нысандарын өзгертеді, сондай-ақ жедел ден қою шараларын қабылдаудың жаңа құралдарын, шарттарын және негіздерін енгізеді.
Біз заңсыз су айналымын жоюға және басқа да қылмыстардың алдын алуға міндеттіміз.
