Тараз қаласындағы Тектұрмас этно-тарихи кешенді көгалдандыру жұмыстары жалғасуда

Фото: Жамбыл облысы әкімдігінің жастар саясаты басқармасы

Фото: Жамбыл облысы әкімдігінің жастар саясаты басқармасы

Таразда Тектұрмас этно-тарихи кешенін көгалдандыру жұмыстары жалғасуда: 3500 ағаш отырғызылды, «Ежелгі қамал» салынуда және ұлттық тағамдар мейрамханасы ашылады, - деп хабарлайды Taspanews тілшісі Жамбыл облысының әкімшілігіне сілтеме жасап.

«Тарихтың темірқазығы» атауымен Тараз қаласында туризм саласын дамыту жұмыстары қарқынды түрде жалғасуда. «Таза Қазақстан» акциясы аясында «Тектұрмас» этно-тарихи кешенін көгалдандыру бойынша ауқымды жұмыстар жүргізілуде.

Негізгі жоспарда 4500 қылқан жапырақты ағаш отырғызу көзделген, оның 3500-і егілген. Ағаштар мен егілген көгалдарға тамшылатып суару жүйесі орнатылды. Суару жүйесіне жалпы ұзындығы 16 мың метр су құбырлары сатып алынды.

Кешен аумағында «Ежелгі қамал» нысанының құрылысы жүріп жатыр, оны 2026 жылға дейін аяқтау жоспарланған. Келушілерге ыңғайлы болу үшін ұлттық тағамдар ұсынатын мейрамхана ашылады.